မဲနယ်ပြာ

Monday, July 13, 2009

မြန်မာနိုင်ငံကျောင်းသားလှု ပ်ရှားသမိုင်း(အောင်ထွန်း)

မြန်မာနိုင်ငံကျောင်းသားလှုပ်ရှားသမိုင်း(အောင်ထွန်း)

Wednesday, July 1, 2009

ရွှေမန်းမြောက်ကိုရီးယာခရီးစဉ် အစီရင်ခံစာ

ရွှေမန်းတရုပ်ခရီးစဉ်မြောက်ကိုရီးယာခရီးစဉ်

Saturday, June 27, 2009

ဒေါ်အောင်ဆန်စုကြည် မိန့် ခွန်း

ASSK Thank you for your Support
Uploaded by asskforfreedom. -

Thursday, June 4, 2009

ပြည်တွင်းကိစ္စ ဝင်မပါဖို့ ပြည်ပနိုင်ငံများအား စစ်အစိုးရမှ ဗိုလ်ချုပ် အေးမြင့်ပြော

နိုဘဲလ် ငြိမ်းချမ်းရေးဆုရှင် ဒေါ်အောင်ဆန်းဆုကြည်အား စစ်အစိုးရက တရားစွဲအရေးယူမှု ကိစ္စကို ပြည်ပ နိုင်ငံများက ဝင်ရောက် စွတ်ဖက်မှု မပြုလုပ်ကြရန် စင်္ကာပူနိုင်ငံမှ ကျင်းပသော ပစိဖိတ်ဒေသ လုံခြုံရေး အစည်းအဝေးတွင် မေလ ၃၁ ရက်နေ့က မြန်မာ ဒု-ကာကွယ်ရေးဝန်ကြီး ဗိုလ်ချုပ် အေးမြင့်က ပြောသွားပါသည်။

ဒေါ်စုအား မတရား စွပ်စွဲထားခြင်းနှင့် ပတ်သက်ပြီး အဖွဲ့အစည်း အသီးသီး၊ ကမ္ဘာ့ထိပ်တန်း ခေါင်းဆောင် ဟောင်းများ၊ ကမ္ဘာတလွှား ထင်ရှားသူများနှင့် ပြည်ပရောက် အတိုက်အခံပါတီ အဖွဲ့အစည်း အသီးသီးမှ ဒေါ်စု အား လွတ်ပေးရန် တောင်းဆိုမှု ပိုမိုများလာခြင်းကို စစ်အစိုးရက မြန်မာပြည်တွင်းရေးကို ဝင်စွတ်ဖက်သည် ဟုဆိုပြီး ငြင်းပယ်ခဲ့သည်။

ထိုသို့ ဝင်ရောက်စွတ်ဖက် ခြင်းသည် မြန်မာနိုင်ငံတွင်း ငြိမ်းချမ်းရေးနှင့် လုံခြုံရေးကို ထိခိုက်လာနိုင်သည့် အတွက် စွတ်ဖက်မှု မပြုလုပ်သင့်ကြောင်း ဗိုလ်ချုပ်အေးမြင့်က ဆိုသည်။

မြန်မာနိုင်ငံမှ ပြောင်းလဲမှုများ၊ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများ လွတ်လာပြီး စစ်အစိုးရနှင့် အတိုက်အခံအကြား အဓိပ္ပါယ်ပြည့်ဝသော တွေ့ဆုံဆွေးနွေးမှုမျိုးနှင့် နိုင်ငံရေးပြဿနာများ ဖြေရှင်းနိုင်ဖို့ရန် လိုလားကြောင်း အမေရိကန် ကာကွယ်ရေးဝန်ကြီး ရောဘတ်ဂိတ်က သူ၏ သဘောထားကို ထိုအစည်းအဝေးတွင် ထပ်လောင်း ပြောသွားပါသည်။

မြန်မာ အာဏာပိုင်တွေအပေါ် ဖိအားပေး တောင်းဆိုမှုကို အိန္ဒိယ နှင့် တရုတ် နိုင်ငံများကလည်း ပါဝင်ဆောင် ရွက် လာကြရန်နှင့် နိုင်ငံတကာ အသိုင်းအဝိုင်း အနေနှင့် ကာကွယ် စောင့်ရှောက်ရေး တာဝန် ယူရမည် ဆိုသည့် အယူအဆကို တဖြည်းဖြည်း နှင့် စစ်ရေးအရ ဝင်ရောက်စွက်ဖက်သင့်လျှင် စွက်ဖက် ရမည်ဟု နိုဘဲလ် ငြိမ်းချမ်းရေးဆုရှင် Desmond Tutu က ဘီဘီစီ ကိုပြောသည်။

အမေရိကန် ကာကွယ်ရေးဝန်ကြီး Robert Gates၊ ဗြိတိသျှ ကာကွယ်ရေးနှင့် လုံခြုံရေးဆိုင်ရာ အငယ်တန်း ဝန်ကြီးလည်း ဖြစ်သော Ann Taylor နှင့် Desmond Tutu ကလည်း ဒေါ်အောင်ဆန်းစုကြည်အား ပြန်လွတ်ပေးရန် အစည်းအဝေးတွင် တောင်းဆိုခဲ့သည်။

နေအိမ်ခြံဝင်းသို့ ခိုးဝင်လာခြင်းကို ဒေါ်အောင်ဆန်းစုကြည်က အာဏာပိုင်အား အကြောင်းကြားမှု ပျက်ကွက်ခဲ့ ခြင်းကြောင့် အမှန်တရားကို ဖုံကွယ်ရာကျကာ ဥပဒေနှင့်အညီ တရားစွဲရုံမှတပါး အခြား မရှိဘူးဟု ဗိုလ်ချုပ် အေးမြင့်က အစည်းအဝေးသို့ တက်ရောက်လာသော နိုင်ငံတကာ ကာကွယ်ရေး ထိပ်တန်းအရာရှိများအား ရှင်းလင်းပြောဆိုသွားပြီး ထိုအကြောင်းပြချက်ဖြင့် ဒေါ်စုအား ၃နှစ်မှ ၅နှစ်အထိ ထောင်ဒဏ် ချမှတ်ခံနိုင်ဖွယ် ရှိသည်ဟု သိရသည်။

ပြည်တွင်းရေးကို ဝင်ရောက်စွတ်ဖက်မှု မပြုလုပ်ကြရန် ပြောဆိုသော်လည်း အိမ်နီးနားချင်းနိုင်ငံလည်းဖြစ် လက်ရှိ အာဆီယံဥက္ကဌ လည်းဖြစ်သော ထိုင်းနိုင်ငံမှ ဒေါ်စုအပေါ် တရားစွဲမှုနှင့် ပတ်သက်၍ မြန်မာစစ်အစိုးရအား ပြင်းပြင်းထန်ထန် ဝေဖန်နေတာတွေ့ရပါသည်။

တောင်ကိုးရီးယားနိုင်ငံတွင် ပြုလုပ်နေသော အာဆီယံနိုင်ငံများနှင့် တောင်ကိုးရီးယား၏ အနှစ် ၂ဝ မဟာမိတ် ဆက်ဆံရေး အထိမ်းအမှတ် အစည်းအဝေး ထဲတွင်လည်း မြန်မာ့အရေးကို ဆွေးနွေးပြောကြားသွားမည်ဟု ထိုင်းဝန်းကြီးချုပ် အဘီဆစ် ဝိုက်ချာချီဝက ပြောပါသည်။

ယခုလို ဒေါ်စုအား အမှုတင်ခြင်းသည် လာမည့် ၂ဝ၁ဝ ရွေးကောက်ပွဲတွင် ကျင်းပမည့် ကာလအတွင်း ထိန်းသိမ်းထားချင်သည့်အတွက် အမှုဆင်ပြီး လုပ်ကြံခြင်းသာဖြစ်သည် ဟု အနောက် နိုင်ငံများက ပြစ်တင်ရှုတ်ချကြသည်ဟုသိရသည်။

Tuesday, June 2, 2009

လူထုခေါင်ဆောင်ဒေါ်အောင်ဆန်စုကြည်နှင့်နိုင်ငံရေးသမားများအားလုံးလွတ်မြောက်ရေးကိုထောက်ခံဝန်ရံကြ။

Thursday, May 28, 2009

တရားရုံးတော်သို့ ဒေါ်အောင်ဆန်းစုကြည်က ရေးသား တင်သွင်းသည့်စာ

ကြေညာချက်အမှတ် - ၁၄၊ ဝ၅၊ ဝ၉

၂ဝဝ၉ ခုနှစ်၊ မေလ ၂၇ ရက်

၁၃၇၁ ခုနှစ်၊ နယုန်လဆန်း ၄ ရက်

အမျိုးသား ဒီမိုကရေစီအဖွဲ့ချုပ်၏ ခေါင်းဆောင် အထွေထွေအတွင်းရေးမှူး ဒေါ်အောင်ဆန်းစုကြည် အား စွဲဆိုထားသော အမှုနှင့်စပ်လျဉ်း၍ ဒေါ်အောင်ဆန်းစုကြည်က ပြစ်မှုဆိုင်ရာ ကျင့်ထုံးမှု ဥပဒေပုဒ်မ ၂၅၆ အရ တရားရုံးသို့ ရေးသားတင်ပြချက် အပြည့်အစုံမှာ အောက်ပါအတိုင်း ဖြစ်သည်။

(က) - ၁ ။ ။ အထက်အမည်ပါ အမှုတွင် ဒေါ်အောင်ဆန်းစုကြည်အပေါ် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ ပုဒ်မ ၂၂ ဖြင့်၎င်း၊ ထိုသို့ ဖောက်ဖျက်ကျူးလွန်ခြင်းကို အားပေးကူညီခဲ့ကြသော ဒေါ်ခင်ခင်ဝင်း (အဖ ဦးတင်အုံး) ဒေါ်ဝင်းမမ (အဖ ဦးဉာဏ်လင်း) နှင့် John William Yettaw တို့ သုံးဦးတို့အား ယင်း ဥပဒေပုဒ်မ ၂၂၊ ပြစ်မှုဆိုင်ရာ ဥပဒေပုဒ်မ ၁ဝ၉ အရ၎င်း၊ အမှုဖွင့်အရေးယူပေးပါရန် သတင်းတပ်ဖွဲ့မှ ဒုရဲမှူးကြီး ဇော်မင်းအောင်က ဗဟန်းမြို့နယ် ရဲတပ်ဖွဲ့စခန်းသို့ ၁၁ ရက်၊ ၅ လ၊ ၂ဝဝ၉ ခုနှစ်တွင် တိုင်ကြားခဲ့သော အမှု ဖြစ်ပါသည်။

၂ ။ ။ မစ္စတာ ဂျွန်ဝီလျံယက်တောသည် ကျမ၏ နေအိမ်ခြံဝင်းအတွင်းသို့ ရောက်ရှိခဲ့သော ကိစ္စရပ်နှင့် စပ်လျဉ်း၍ ပထမအကြိမ်ဖြစ်သော ၃ဝ ရက်၊ ၁၁ လ၊ ၂ဝဝ၈ နေ့တွင် ရောက်ရှိခဲ့ခြင်းသည် ကျမနှင့် အတူနေသူ ဒေါ်ခင်ခင်ဝင်းထံမှတဆင့် ကြားသိရပါသည်။ ၄ ရက်၊ ၁၂ လ၊ ၂ဝဝ၈ ခုနှစ်တွင် ဆေးစစ်ရန် ရောက်ရှိလာသူ ဒေါက်တာ တင်မျိုးဝင်းထံမှတဆင့် ယင်းအဖြစ်အပျက်ကို အာဏာပိုင်များထံ သတင်းပို့ခဲ့ပါသည်။ အာဏာပိုင်များက အဆိုပါ ကိစ္စအတွက် ကျမတို့ထံသို့ စုံစမ်းမေးမြန်းခြင်း မပြုလုပ်ခဲ့ကြပါ။ အရေးယူဆောင်ရွက်သည်ဟူသည် ကြားသိရခြင်း မရှိပါ။ ဤကဲ့သို့ ခြံဝင်းအတွင်း လူဝင်ရောက်သည့် ကိစ္စများတွင် အာဏာပိုင်များထံ ချက်ချင်း သတင်းပို့ရမည်ဟု သတိပေးမှုခြင်း မရှိပါ။ ဒုတိယအကြိမ် မစ္စတာဂျွန်ဝီလျံယက်တော ရောက်ရှိခဲ့ခြင်းကို ၄ ရက်၊ ၅ လ ၂ဝဝ၉ နံနက်ပိုင်းတွင်မှ တွေ့ရှိရပါသည်။ ကျမက ပြန်ထွက်သွားရန် ပြောကြားခဲ့ပါသည်။ မိုးလင်းနေပြီဖြစ်၍ ထွက်သွားလျှင် ဖမ်းဆီးခံရနိုင်ကြောင်း ညရောက်သောအခါ ပြန်ပါမည်ဟု ပြောပါသည်။ သို့သော် ညရောက်သောအခါ ကျန်းမာရေးအခြေအနေအရ ၁ ညအိပ်ခွင့်ပေးပါရန် မေတ္တာရပ်ခံခဲ့ပါသည်။

၃ ။ ။ ယခုအချိန်တွင် များစွာသော ကျမ၏ နိုင်ငံရေး လုပ်ဘော်ကိုင်ဘက်၊ ရဲဘော်ရဲဘက်များသည် ဥပဒေ၏ ကာကွယ်မှုနှင့် သက်ညှာမှုတို့ကို မခံရစားရဘဲ နှစ်ရှည်ထောင်ဒဏ်များ ကျခံနေရပါသည်။ ထို့ကြောင့် ကျမအနေဖြင့် မည်သူ့ကိုမျှ အဖမ်းအဆီး အချုပ်အနှောင်ခံရစေရန် တွန်းမပို့နိုင်ဟူသော နိုင်ငံရေးခံယူချက်အရ ခိုလှုံခွင့်တောင်းသည်ကို ခေတ္တ ခိုလှုံခွင့် ပေးခဲ့ခြင်းသာ ဖြစ်ပါသည်။

၎ ။ ။ ကျူးကျော်ဝင်ရောက်သူ မည်သူမည်ဝါဖြစ်သည်၊ ၎င်း၏ ရည်ရွယ်ချက်များ မည်သို့မည်ပုံ ဖြစ်သည်မှာ ကျမအတွက် အရေးမပါပါ။ ကျမ၏ နိုင်ငံရေး ခံယူချက်အရသာ ဆောင်ရွက်ခဲ့ခြင်း ဖြစ်ပါသည်။ ကျူးကျော်ဝင်ရောက်ခဲ့ခြင်းနှင့် စပ်လျဉ်း၍ လစဉ်ဆေးစစ်ရန် ၇ ရက်၊ ၅ လ၊ ၂ဝဝ၉ နေ့တွင် ဒေါက်တာတင်မျိုးဝင်း လာသောအခါ ၎င်းမှတဆင့် သက်ဆိုင်ရာသို့ အကြောင်းကြားရန် ရည်ရွယ်ခဲ့ပါသည်။ သို့သော် ၇ ရက်၊ ၅ လ၊ ၂ဝဝ၉ နေ့တွင် ရဲတပ်ဖွဲ့ဝင်များသာ ရောက်လာပြီး ဒေါက်တာတင်မျိုးဝင်း ဝင်ခွင့် မရခဲ့ပါ။

၅ ။ ။ ကျမသည် နိုဝင်ဘာလ ၃ဝ ရက်နေ့ အဖြစ်အပျက်နှင့် စပ်လျဉ်း၍ လုပ်ဆောင်ခဲ့ရာတွင် ကြီးသည့်အမှုကို ငယ်စေရန်နှင့် ငယ်သည့်အမှု ပပျောက်စေရန်နှင့် ခြံအတွင်းသို့ ဝင်ရောက်ခဲ့သူအား၎င်း၊ ခြံလုံခြုံရေးကို ယူထားရသော တပ်သားများအား၎င်း မလိုအပ်ဘဲ မထိခိုက်စေလိုသော ဆန္ဒဖြင့် ပြုလုပ်ခဲ့ပါသည်။ ဤလုပ်ဆောင်ချက်နှင့် ပတ်သက်၍ သက်ဆိုင်ရာသို့ ကန့်ကွက်ခြင်း၊ ဝေဖန်ခြင်း တစုံတရာ မပြုလုပ်ခဲ့သောကြောင့် ၎င်းတို့သည် ကျမ၏ လုပ်ရပ်ကို လက်ခံသဘောတူသည်ဟု ထင်မြင်ရပါသည်။ တရားလိုပြသက်သေတဦးအား ပြန်ခေါ်စစ်မေးရာတွင် ကျမ၏ နေအိမ်ခြံဝင်း လုံခြုံရေးအတွက် အာဏာပိုင်နှင့် ကျမတို့ ပူးတွဲတာဝန်ရှိပါသည်ဟု ထွက်ဆိုခဲ့ပါသည်။ ယင်းထွက်ဆိုချက်မှာ လုံးဝ မမှန်ကန်ပါ။

၆ ။ ။ ကျမအပေါ် စွဲဆိုထားသည့် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ ပုဒ်မ ၂၂ အရ တားဆီးမိန့်၊ ကန့်သတ်မိန့်များကို ချိုးဖောက်သည်ဟု စွပ်စွဲထားပါသည်။

က - ယခု ရုံးရှေ့ တရားလိုပြသက်သေများ၏ ထွက်ဆိုချက်များ၊ သက်သေခံ ဆက်လက် တားဆီးမိန့်များအရ စည်းကမ်းချက်များကို ကျမက ဖောက်ဖျက်ခြင်း မရှိကြောင်း ထင်ရှားပေါ်ပေါက်နေပါသည်။

ခ - ကန့်သတ်မိန့်မှာ ၁၉၇၄ ခုနှစ်၊ ပြည်ထောင်စု ဆိုရှယ်လစ် သမ္မတ မြန်မာနိုင်ငံ ဖွဲ့စည်းပုံ အခြေခံဥပဒေပါ မူလအခွင့်အရေးကို ကန့်သတ်မှု သို့မဟုတ် ရုပ်သိမ်းမှုဖြစ်ကြောင်း တရားလိုဘက်က ထွက်ဆိုခဲ့ကြပါသည်။ ယင်းဖွဲ့စည်းပုံ အခြေခံဥပဒေသည် ၁၉၈၈ ခုနှစ်၊ စစ်တပ် အာဏာသိမ်းသည့် နေ့မှစ၍ အာဏာတည်ခြင်းမရှိ၊ ပြိုကျပျက်စီးသွားပြီ ဖြစ်ပါသည်။ အာဏာတည်ခြင်း မရှိသည့် ဥပဒေ၏ ပုဒ်မများအရ ကန့်သတ်အမိန့်မှာလည်း တရားဝင်မှု မရှိပါ။

၇ ။ ။ ယခု အမှုဖြစ်ပွားရသည့် အရင်းခံ အကြောင်းအရင်းမှာ လုံခြုံမှု၊ လုံခြုံရေး လစ်ဟင်းမှု သို့မဟုတ် လုံခြုံရေး ဖောက်ဖျက်မှု ဖြစ်သော်လည်း ယခုအချိန်ထိ လုံခြုံရေးဆိုင်ရာ တာဝန်ရှိမှုနှင့် စပ်လျဉ်းပြီး အရေးယူမှုခြင်း မရှိဘဲ၊ ကျမကိုသာ အရေးယူ တရားစွဲခြင်းမှာလည်း ဘက်လိုက်ဆောင်ရွက်ခြင်း ဖြစ်ပါသည်။

၈ ။ ။ ကျမသည် တရားလိုဘက် စွပ်စွဲသည့် ပြစ်မှုကို ကျူးလွန်ခြင်း မရှိကြောင်း ကျမ၏ တင်ပြချက်ကို တင်သွင်းပါသည်။

ဗဟိုအလုပ်အမှုဆောင်အဖွဲ့

အမျိုးသား ဒီမိုကရေစီအဖွဲ့ချုပ်။

ဗုံးနှစ်နေရာ ပေါက်ကွဲမှု ဖြစ်ပွား မော်လမြိုင်မြို့တွင်

မော်လမြိုင်မြို့တွင် ယနေ့နံနက် ၉ နာရီခန့်တွင် နှစ်နေရာတွင် ဗုံးနှစ်လုံးပေါက်ကွဲမှု ဖြစ်ပွားခဲ့သည်။

စစ်ကဲကုန်းရပ်ကွက် တစ်ရပ်ကွက်တည်းတွင် နှစ်နေရာပေါက်ကွဲမှုဖြစ်ပွားပြီး တစ်စုံတစ်ယေက်ထိခိုက်ခြင်း မရှိဟု ရပ်ကွက်ခံတစ်ဦးက ပြောသည်။ ဗုံးတစ်လုံးနှင့်တစ်လုံး ပေါက်ကွဲမှုမှာ မိနစ် ၂ဝ ခန့်ခြားသည်ဟု ၄င်းက ပြောသည်။

ပေါက်ကွဲမှုာသည် မော်လမြိုင်အောက်လမ်းမကြီး အစိုးရမြန်မာ့စီးပွားရေးး ဘဏ်အနားတွင် ပေါက်ကွဲခဲ့ပြီး နောက်တစ်လုံးသည် အစိုးရပြည်နယ်ရုံး၊ သစ်တောရုံး၊ကြံ့ဖွံရုံး၊ စာတိုက်နှင့် အစိုးရဓါတ်ဆီဆိုင်တို့ တည်ရှိရာ မောရဝတီ ပန်းခြံအနားတွင် ထပ်ပေါက်ကွဲမှု ဖြစ်ပွားခဲ့သည်။

“ပထမကတော့ ဗုံးဆိုပြီး အသံကျယ်ကြီး အိမ်ကနေကြားလိုက်တယ် နောက်မိနစ်နှစ် ဆယ်လောက်အကြာမှာ အိမ်နောက်ကနေ နောက်တစ်လုံးထပ်ကြားးလိုက်တယ်၊ အရင်လုံးထက် အသံကပိုကျယ်တယ်” ဟု အခြားရပ်ကွက်ခံတစ်ဦးက ပြောပြပါသည်။

“ဗုံးပေါက်တာ နေ့လည်ကမှ ကျနော်သိရတာ၊ အခုလုံခြုံရေးတွေ တင်းကျပ်နေပြီး။ ကားနှင့်ဆိုင်ကယ်တွေကိုရပ်ခိုင်းပြီးတော့ ဆိုင်ကယ်ထိုင်ခုံ အဖုံးတွေကို လိုက်ဖွင့်နေတယ်”ဟု မြိုင်သာယာရပ်ကွက်ခံ တစ်ဦးက ပြောပြပါသည်။

ရွှေပြည်အေးရပ်ကွက်ခံ အမျိုးသမီးကြီးတစ်ဦးက“အန်တီတို့ကြားတာက ခုနကပါ။ ကမ်းနားလမ်းဘက်မှာလို့ ပြောနေကြတာပဲ။ လူနဲ့ပတ်ဝန်းကျင်ကို ထိခိုက်သွားတာ မရှိပါဘူး” ဟု ၄င်းက ပြောပါသည်။

ဤဖောက်ခွဲမှုသည် မည်သည့်လက်ချက်ဖြစ်သည်ကို မသိသေးပေ။ အာဏာပိုင်များက စုံစမ်းနေဆဲပင်ဖြစ်သည်ဟု မြို့ခံတစ်ဦးက ပြောသည်။

မော်လမြိုင်မြို့တွင် လွန်ခဲ့သောတစ်လခန့်ပင် အထက်မှ ညွန်ကြားချက်အရ လုံခြုံရေးတွေကို ဓါတ်တိုင် သုံးလေးတိုင်ဆိုရင် ရဲနှင့်စစ်သားတစ်ဦးစီ ချထားပါသည်။ ယခုလို လုံခြုံရေးကို တင်းကျပ်စွာ ချထားရင်းပင် ယခုလိုဖြစ်ပွားခဲ့သည်ဟု ၄င်းမော်လမြိုင်မြို့ခံက ဆက်ပြောပါသည်။

ရေးသားသူ - ပနွတ်ကျား